Мед или шербет! Што се продава покрај патот Кичево Охрид?
Објавено во: Агробизнис 03 Јануари, 2013
Со цел да се спречи продажбата на производи кои се декларираат како мед, а не ги задоволуваат стандардите, Агенцијата за храна и ветеринарство ги засили инспекциските контроли на производителите, преработувачите и трговците со мед.
Во координирана акција со Министерството за внатрешни работи, на патниот правец Кичево -Другово, а по претходна дојава од граѓанин, инспекцијата спроведе акција за прекинување на синџирот производители, дистрибутери и продавачи на фалсификуван мед.
Како што посочуваат од Агенцијата, во две возила биле пронајдени 240 тегли фалсификуван производ, кои требала да се продаваат на патниот правец Кичево - Охрид.
Неправилности се утврдени и кај компанија од Кичевско која на истиот патен правец, спротивно на одредбите од Законот за безбедност на храната, продавала фалсификуван мед на кој стоеле етикети "Кралска храна" и "Љубовен еликсир".
Со ваквиот начин на продажба на небезбедни производи, оваа компанија свесно ги доведувала потрошувачите во заблуда дека купуваат мед, иако со лабораториските анализи извршени во акредитирана лабораторија, е потврдено дека не станува збор за мед, посочуваат од Агенцијата за храна и ветеринарство.
Од запленетиот мед земени се мостри за анализа, а против сторителите на овие прекршоци ќе бидат поднесени соодветни пријави и санкции.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
