МЕДВЕДЕВ: Испраќањето британски војници во Украина значи објава на војна на Русија
Објавено во: Свет 12 Јануари, 2024
Поранешниот руски претседател Дмитриј Медведев го предупреди Лондон дека испраќањето британски војници во Украина значи објава на војна на Русија.
Вели дека британската страна ќе ги понесе последиците од таквиот потег. Лондон ветил зголемувње на финансиската помош на украинската војска за купување на нови борбени дронови ракети со кои може да се гаѓа руската територија.
Украинскиот претседател Володимир Зеленски и британскиот премиер Риши Сунак, кој е во посета на Киев, потпишаа билатерален безбедносен договор. Како што кажа украинскиот претседател, „обврските на Велика Британија според овој документ ќе останат во сила додека Украина не се приклучи на НАТО“.
Договорот се однесува на размена на разузнавачки информации, соработка во областа на сајбер безбедноста, обука на лекари и воен персонал, како и соработка во одбранбената индустрија. Дополнително, договорот ќе ја обврзе Обединетото Кралство да се „консултира со Украина“ во случај на нов конфликт со Руската Федерација и да му обезбеди на Киев „брза и долгорочна поддршка“ во одбранбените прашања.
Сунак најави и пакет воена помош од 2,5 милијарди фунти за Киев. Велика Британија ќе испорача дополнителни проектили со долг дострел, противтенковско оружје и артилериски гранати како дел од пакетот воена помош за Украина во 2024 година. Тој вети дека ќе ја пренесе во Украина најголемата серија беспилотни летала што „странските држави некогаш ја пренеле во Украина“. Руската инвазија на Украина почна лани на 24 февруари.