Меѓу Лерин и Битола и денеска имаше серија земјотреси
Објавено во: Македонија 14 Јануари, 2022
Јужниот дел од земјава и натаму го тресат земјотреси.
Серија земјотреси денеска имаше меѓу Лерин и Битола, а најсилниот беше од 3 степени по Рихтер.
Епицентрите биле на 120 километри јужно од Скопје.
„Според досегашните податоци, од населението во градот Битола и околината најсилно беше почувствуван земјотресот во 10.46 часот, со локална Рихтерова магнитуда 3.0 и интензитет од III-IV степени според Европската макросеизмичка скала“, велат од Сеизмолошката опсерваторија при Природно-математичкиот факултет во Скопје.
Веќе пет дена Македонија ја тресат земјотреси. Се тресеше Битола, но и Скопје. Има материјални штети во Битола, Ресен, и ќе се изврши проценка. Во тек е пријавувањето.