МЕЃУНАРОДНИОТ СОЈУЗ НА БОКИ 13: Никој не е повикан од органите на прогонот за никакво незаконско работење

Добивај вести на Viber

Се огласија во соопштение во јавноста од Меѓународниот сојуз на Бојан Јовановски – Боки 13, кој е во притвор за случајот „Рекет“. 

Потпретседателката на Меѓународниот сојуз на Бојан Јовановски – Боки 13, Јасна Ерцеговиќ, пишувањата во медиумите дека средствата кои ги прибрале за хумани цели не ги искористиле за наменета ги нарече шпекулации.

Додава дека до денеска никој од Меѓународниот сојуз не е повикан од органите на прогонот за никакво незаконско работење. 

Таа тврди дека хонорарот пристигнат на сметката на Лилјана Тодоровска, еден од координаторите и идеен творец на проект, веќе била цел на истрага од Финансовата полиција и Обвинителството по што се утврдило дека транскацијата е во рамките на позитивните законски прописи и истрагата била сопрена.

Но, Лилјана Тодоровска веќе кажа дека е измамена и ограбена откако на нејзино име во банка легнале 720 илјади евра кои веднаш ѝ ги зеле од Меѓународниот сојуз.

„Меѓународниот сојуз стапи во соработка и склучени се договори со две реномирани домашни друштва. На тој начин за прв пат во земјава е создадено приватно невладино партнерство. Паричните средства стигнати на сметките на координаторите на проектите се искористени исклучиво за остварување на целите на Меѓународниот сојуз и исполнување на договорите склучени со партнерите“, пишува во соопштението на Ерцеговиќ.

Временското доцнење во остварувањето на целите на организацијата, како што вели Ерцеговиќ, е исклучиво од објективни причини, а никако по вина на кооординаторите.