Обновено:Меѓународен саем за широка потрошувачка АГРОФУД 2012
Објавено во: Агробизнис 07 Ноември, 2012
Меѓународен саем за широка потрошувачка Агрофуд 2012 на кој се претставени најновите земјоделски машини, насади и вештачки ѓубрива, како и достигнувања во органската храна се одржува од денеска до сабота на Скопскиот саем.
Саемот се простира во две хали на површина од 5.000 метри квадратни, а за првпат годинава е поставен и Слоу фуд Македонија каде ќе се подготвува традиционална здрава храна, а ќе се претстават 12 конвивиуми од Македонија.
Саемот го отвори министерот за земјоделство, шумарство и водостопанство Љупчо Димовски кој меѓу другото истакна дека Македонија има со што да се пофали кога станува збор за земјоделството и оти македонските земјоделски производи се одликуваат со одличен и посебен квалитет. Потсети дека заедно со земјоделците за првпат е донесена петгодишната програма за поддршка за земјоделство и рурален развој во која е проектирано годишно зголемување на субвенциите за земјоделците или вкупно за пет години планирани се 725 милиони евра субвенции.
- Тоа претставува голем влог во македонскиот земјоделец и влог во македонското земјоделство. Но, истовремено тоа дава резултати затоа што преку веќе доделените субвенции во изминатите години го стабилизиравме и подигнавме македонскиот сектор, преку доделувањето на слободното државно земјоделско земјиште го зголемивме земјоделското производство, го подигнавме квалитетот на македонските земјоделски производи и го зголемивме нивниот пласман на странските пазари, рече Димовски.
За поголема препознатливост и афирмација на македонските земјоделски производи изработена е и посебна програма за настап на најзначајните светски саемски манифестации. На овој саем прв пат беа доделени и и награди за најпроактивен земјоделец во категориите житни култури, производство на грозје и овошје, сточарство, раноградинарско и органско производство. Наградените добија по 150 илјади денари, средства што ќе може да ги искористат за купување земјоделска механизација или како обртен капитал.
За време на саемската манифестција планирано е да се одржат и трибини и работилници, како и презентација за законските измени за легализација на регистрација на трактори, како и за адаптација на земјоделството кон климатските промени.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
