Мелничарите лути – да се укине мерката со која поскапе фитосанитарната анализа
Објавено во: Агробизнис 10 Август, 2016
Meлничарите бараат итно поништување на новата мерка при увоз на пченица, која се однесува на зголемување на висината на надоместокот за фитосанитарната анализа.
Велат дека со ова зголемување на цената кое важи од 2 август, надоместокот ќе изнесува околу 12.600 денари по камион при одобрување влез на увезена пченица во државата и уште толку при царинење, или вкупно 25.200 денари.
Објаснуваат дека со оваа мерка цената за фитосанитарната анализа при увоз само на пченица е зголемена за 833 проценти, што е спротивно и на правилата на ЦЕФТА и на СТО.
Мелничарите сметаат дека е потребно при носењето на мерките да се има предвид поврзаноста на производството на пченица и производството на брашно, затоа што тие се меѓусебно зависни. Револтирани се бидејќи во последните две години анализата се наплаќа двојно, еднаш при увоз на пченица, и повторно, при нејзино царинење.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
