Мелничарите со предлог – како до поевтин леб

Добивај вести на Viber

Само ако се забрза откупот на домашната пченица, а веднаш потоа се укине мерката за ограничен увоз, но само за пченицата, но не и за брашното, тогаш може и лебот да поевтини. Вака за телевизијата  24 Вести коментираат мелничарите. Според нив, ако мерката за ограничен увоз на брашно остане се додека не се ослободат од залихите, ќе доведе до намалување на цената на лебот. Вака, посочуваат претставниците од секторот,  ќе може навреме да увезат поевтина пченица и заедно со онаа од дома да произведат конкурентно брашно. Според пресметките веќе околу 90 % од домашното жито е откупено. Засега нема најави кога условениот увоз на брашно и пченица ќе биде укинат од страна на Владата. Реакциите од Србија, со оглед на фактот што тие се најголемите уввозници на брашно и пченица во земјава не стивнуваат, но засега и тие тактизираат со роковите. Заканите од Србија се дека ако Македонија го отежнува влезот на нивното жито, тогаш тие ќе го условат влезот на зеленчукот и виното од македонско потекло. Од министерство за земјоделство пак најавуија дека заштитната мерка од македонска страна ќе трае се до стабилизирање на пазарот.