Мендерес Кучи, бизнисмен: Состојбата не чини – даноците тешко се собираат!

Добивај вести на Viber

Состојбата во стопанството е сложена и не гледаме дека наскоро ќе има решение за излез од кризата.  По најавите дека се можни избори во април, бизнисмените точно знаат што значи изборен циклус,  односнот дека бизнисот треба да ги финансира,  вели стопанственикот Мендерес Кучи од Комората на Северозападна Македонија во емисјата “Тренд“ на 24 Вести. “Има еден податок што неодамна го добив, а тоа е дека имаме само 35% инкасирање на даноците во однос на тоа што е предвидено, тоа не значи дека тие не се инкасираат 100% од она што се реализира, односно што се сбира во реалноста, но тоа покажува дека ние како стопанство толку генерираме. Но, во оквир на проекциите, како што било периодично редвидено да се полни буџетот, значи имаме потфрлување. Тука имаме еден аларм дека состојбата не ни чини“, вели бизнисменот  Кучи, кој мета дека оваа состојба е показател дека тешко ќе се оствари растот од 4,1% но влијание ќе има и врз потрошувачката. Комората на Северозападна Македонија го повика гувернерот Богов, односно Народната Банка засилено да го следи текот на парите, односно приливите и одливите на пари во ек на политичка криза.  Кучи смета дека во ваква сстојба капиталот бега и дека гувернерот не може да го спречи тоа но дека има механизам да ја следи и мониторира состојбата. Ова е практично едно од барањата што Комората на северозападна Македонија ќе ги достави до Владата, како дел од пакетот предлог-мерки за ублажување на последиците од политичката криза, меѓу кои се и повикот да се запре со непродуктивни буџетски трошења и нови административни вработувања.