МЕР: За пет години го изеде сопствениот капитал, вработува 18 луѓе, нема приходи и живее од донации од Владата
Со донации од Владата во 2015 година МЕР одвај ги покрил трошоците за бруто плати на вработени чиј број во лани пораснал за 64 отсто во однос на 2014 година иако фирмата нема ниту денар приход од основна дејност.
Објавено во: Мои пари 23 Декември, 2016
Македонски енергетски ресурси (МЕР), државно акционерско друштво кое ќе управува со националниот гасовод по неговата изградба, по неполни пет години постоење направи загуба која безмалку го изеде акционерскиот капитал на компанијата, покажуваат податоците од официјалниот извештај на независните ревизори за 2015 година.
Билансот покажува дека лани МЕР има загуба од 3,34 милиони денари (над 50.000 евра) што е пониска загуба од 2014 година кога друштвото било во минус од 8,08 милиони денари (над 130.000 евра). Низ годините од основањето во септември 2010 до крајот на 2015 година компанијата наѕидала загуба од 28,9 милиони денари (околу 500.000 евра), а акционерскиот капитал на фирмата е 29,44 милиони денари.
Лани МЕР немал приходи од продажба на услуги затоа што компанијата уште нема со што да работи и имала приход од донација од Владата за тековно работење во износ од 7,09 милиони денари кои одвај ги покриле трошоците за бруто плати и придонеси на 18 вработени колку што МЕР имал на крајот на 2015 година. Во споредба со 2014 година кога имала 11 вработени, во 2015 година МЕР го зголемила бројот на вработени за 64 отсто.
Од структурата на трошоци за вработените се гледа дека лани вкупно за вработените се издвоени 7,32 милиони денари од кои за бруто плати и придонеси се 6,54 милиони денари, за дневници се 0,625 милиони денари и за надоместоци на Управниот одбор кој е составен од три члена се издвоени 160.000 денари. Сумата на овие расходи лани била 7,32 милиони денари и е за 24 отсто повисока од сумата за истата намена платена во 2014 година.
Од билансите е очигледно дека лани компанијата исклучиво егзистирала од добрата волја на својот основач Владата. Затоа што речиси единствен приход е донацијата. Од расположливите податоци се гледа дека лани во ставката материјални нематеријални средства е впишан новиот гасовод што е во изградба и неговата вредност е 3,2 милијарди денари односно околу 50 милиони евра.
Од тие пари 2,568 милијарди денари се условен акредитив од Руската федерација , а останатите 10,5 милиони евра односно 641,9 милиони денари ќе бидат донација од Владата. Лани Владата префрлила за таа намена 440 милиони денари кои се вкалкулирани и во ставката набавка на основни средства.
Можеби ќе ве интересира
БИМИЛК во Битола го носи д-р Ранко Рајовиќ за да го одбележи Светскиот ден на семејството
Караванот „Не е до нив, до тебе е“ денеска патува до својата крајна станица – Drunken Monkeys
АПРИЛ ВОЗБУДЛИВ ЗА ИГРАЧИТЕ НА ВЛТ: ВИДЕОЛОТАРИЈА КАСИНОС АВСТРИЈА ИМ ИСПЛАТИ НА ИГРАЧИТЕ ФАНТАСТИЧНИ 46.238.549 ДЕНАРИ
Регионална кампања „Вистината е важна“ за опасностите кои ги носат дезинформациите и говорот на омраза
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
