Меркел: Неизвесен мировниот успех за Украина

Добивај вести на Viber

Германската канцеларка Ангела Меркел денека изјави дека е неизвесно дали француско-германската иницијатива за мир во Украина, во која таа и францускиот председател Франсоа Оланд разговарале со рускиот председател Владимир Путин, ќе успее.

„По дискусијата што францускиот претседател и јас ја имавме вчера во Москва, неизвесно е дали ќе успее“, изјавила Меркел на мировната конференција во Минхен, на која присуствувал и украинскиот председател Петро Порошенко и шефот на руската дипломатија Сергеј Лавров.

„Но, во моето мислење и мислењето на францускиот претседател, дефинитивно вреди да се проба. Верувам дека ние им должиме многу на оние кои се повредени во Украина“, изјавила Меркел.

Германската канцеларка нагласила „кризата неможе да се реши по воен пат“ и додала дека „значајни чекори“ се неопходни како би му се „дал живот“ на мировниот  договор, направен во Минск во септември минатата година, кој во повеќе наврати е прекршен, објавија новинските агенции.

Меркел денеска ќе продолжи со новиот круг на дипломатските напори за ставање крај на конфликтот во Украина.

Германската канцеларка би требало да се сретне во Минхен со американскиот државен секретар Џон Кери и неговиот руски колега, Сергеј Лавров, како и украинскиот премиер Петро Порошенко и американскиот потпредседател Џо Бајден.