Меркел пресече: Нема како да го намалиме долгот на Грција

Добивај вести на Viber

Германската канцеларка Ангела Меркел изјави дека нема да го поддржи "сечењето" на грчкиот долг, а во исто време истакна дека неделната средба на евролидерите ќе биде одлучувачка, пренесоа агенциите.

"Во 2012 година се занимававме со одржливоста на долгот (можноста за некоја држава да ги сервисира своите обврски без тоа да влијае на нејзиното функционирање).

Гиистегнавме  падежите, ги вративме назад барањата за плаќање на заемите за Европскиот механизам за финансиска стабилност до 2020 година . Не се занимаваме со одржливоста на долгот за прв пат. Реков дека класичен "преск" не е на дневен ред за мене и тоа не се промени од вчера до денес ", изјави во Босна Меркел.

Таа беше категорична дека во оваа фаза не може да се каже ништо за она што претстои во неделата: "Ова ќе биде решавачка средба. Не смееме да заборавиме дека грчкиот народ страда во моментов. Во моментов оди подготовка во однос на грчките предлози кон трите институции (ЕУ, ЕЦБ и ММФ-б.р.) И ќе видиме што ќе се случи во наредните денови ".

„Бундесбанк "се сомнева во грчките банки

Сомнежите за солвентноста на банките во Грција се оправдани и се засилуваат со секој изминат ден. Тоа го изјави денеска во говорот на конференцијата во Франкфурт гувернерот на германската централна банка Бундесбанк Јенс Ваидман.

"Треба да биде кристално јасно дека одговорноста за понатамошните настани во Грција и за секакви решенија за трансфер на финансиски ресурси лежи врз грчката влада и земјите кои обезбедуваат помош, а не врз Управниот одбор на Европската централна банка", рече Ваидман.

Според него, ако е потребен мостов заем додека не биде постигнат нов договор за финансиска помош за Грција, одлуката за тоа зависи од политичарите.

Ваидман, кој е член на Управниот совет на ЕЦБ, исто така, изјави дека финансиската институција треба да престане со итно финансирање за Грција, и со оваа задача според него треба да се заангажираат европските партнери на Атина.

"Централните банки треба да покажат до каде се им протегаат границите", истакна Ваидман кој е познат противник на итната помош ЕЛА (ELA), великодушно доделувана со месеци од ЕЦБ на грчките банки кои се соочуваат со масовно повлекување на средства од нивни клиенти.

Неколку часа до расплет на грчката криза

Атина има рок до полноќ, да предложи нови варијанти за реформи. Тие можат да и обезбедат договор со доверителите за витално финансирање.

Како дел од реформите е и планот за реструктуирање на грчкиот банкарски сектор, кој предвидува 4-те најголеми банки во земјата да бидат затворени или преземени од други банки. Во меѓувреме, грчката влада го продолжи банкарскиот одмор до вторник. Останува и ограничувањето за вадење од банкоматите до 60 евра дневно. Некои трезори сепак веќе ги исцрпеа средствата и го ограничиле повлекувањето до 50 евра на ден. Грците остануваат поделени во врска со иднината на својата земја.

Во изненадувачки гест претседателот на Унијата Доналд Туск им предложи олеснување на грчките обврски и ги повика кредиторите да ја омекнат својата позиција, за да се постигне компромис.

"На реален предлог од Грција доверителите треба да одговорат со исто толку реален предлог за стабилно сервисирање на долгот. Само тогаш и двете страни ќе бидат задоволни", истакна Туск.

Германија сепак е цврсто против какви било попусти за Грците, додека не поднесат сериозен план за реформи. Конечната одлука ќе биде донесена од лидерите на сите 28 земји од Унијата на вонредната средба во неделата.