Мицкоски: Човекот кој зема плата од нас рече дека сме биле искомплексирана нација
Објавено во: Македонија 05 Декември, 2018
Слепи се за целиот криминал, за целиот грабеж, за сите договорени судски случаи, за целокупниот прогон. И додека тоа се случува, без срам и перде ја прекрстуваат нашата земја, изјави претседателот на ВМРО-ДПМНЕ, Христијан Мицкоски.
Вели дека овој народ нема никогаш да го прифати тоа, и тоа го покажал на референдумот.
„Ви кажаа дека не се за менување на името, а вие тргнавте да го прекстите народот, да им го земете идентитетот. И тоа не ви беше доволно, па ја крстивте нација со комплекси. Замислете, излезе човекот кој зема плата од нас, кој денеска ги користи сите привилегии и ни рече дека сме биле искомплексирана нација. Не сме ние господине Димитров нација со комплекси, туку со цел и достоинство, и ти ветувам дека еден ден ќе се извиниш за ова што го кажа“, рече Мицкоски.
Вели дека има монтирани судски случаи, и дека ќе дојде ден кога ќе бидат признати тие нарачки.
фото ТВ 21