Мицкоски ќе се сретне со Ковачевски, но има услови
Објавено во: Македонија 13 Јануари, 2022
Лидерот на ВМРО-ДПМНЕ, Христијан Мицкоски ќе се сретне со мандатарот Димитар Ковачевски, но има услови.
Поставува три услови. Од партијата велат дека поканата ќе биде прифатена ако се разговара за предвремени избори, како единствено логично решение за излез од сегашната длабока криза во која се наоѓа државата, да се разговара за содржината на одговорите што Македонија `и ги дала на Софија во прашалникот 5+1 како и за теми поврзани со сузбивање на криминалот и корупцијата. Од СДСМ велат дека избори нема да има. Додаваат дека во ек на криза треба да се разговара и во Собранието заедно да се гласа за надминување на економските предизвици и финансиска поддршка на граѓаните, а избори би значеле нов трошок, нова неизвесност и застој на економијата.