Мицкоски: НАТО и странски инвестиции немаат директна врска

Добивај вести на Viber

Приемот на Македонија во НАТО и одлуките на странските инвеститори да вложат во земјата нема директна врска, смета Христијан Мицкоски, лидерот на ВМРО-ДПМНЕ, истакнувајќи го ова на својот профил на Фејсбук.

„Денес, одново слушам неболузи како влезот во воениот сојуз НАТО ќе донесе нови инвестиции. Влезот во НАТО е наша стратешка цел, но тоа нема никаква директна врска со странските инвестиции.

Странските инвеститори ја одбегнуваат Македонија не затоа што се плашат дека некој ќе изврши воена инвазија и ќе загрози нивната инвестиција, туку пред се затоа што криминална ни е власта. Затоа што нема владеење на правото и има целосно отсуство на правната држава.

Понудата која се дава на странските инвеститпри се зголемени даноци, истоштена домашна економија и министри за привлекување на инвестиции чии имиња не ги знае ниту домашната јавност, се вели во неговиот статус на Фејсбук“, напиша Мицкоски.

- Помина месец јануари, нема ништо од најавената германска инвестиција на Заев. Уште една лага! На премиерот не му пречеше да го злоупотреби и името на германската канцеларка. Уште помалку има нешто од оние прво најавени инвестиции на Заев за Google и FB?., наведе Мицкоски.