Мицкоски порача дека без секого се може
Објавено во: Македонија 02 Ноември, 2018
Лидерот на ВМРО-ДПМНЕ, Христијан Мицкоски синоќа во емисијата „Патот кон“ на Алсат М, рече дека без секого се може одговарајќи за најновите оставки во рамките на партијата.
Тој вели дека веднаш на местата на Даниела Рангелова и Лука Кржаловски се назначени в.д. претседатели на УЖ и УМС на ВМРО-ДПМНЕ.
„Со ова покажуваме дека ВМРО-ДПМНЕ располага со кадровски потенцијал кој што секогаш е на располагање на партијата и уште еднаш ја потврдуваме тезата дека ВМРО-ДПМНЕ била, е и ќе остане расадник на кадри во иднина, но исто така и тезата дека без секого се може рече, Мицкоски.
Тој посочи дека во деновите кои престојат ќе биде реформирана структурата на тие две партиски структури, а се очекува и да се распише конкурс за пополнување на овие 2 места.