Мицкоски распишува конкурс за ново раководство на Унија на жени
Објавено во: Македонија 31 Октомври, 2018
ВМРО-ДПМНЕ ќе распише конкурс за избор на ново раководство на партиската Унија на жени, по оставката на раководителките Даниела Рангелова, Лилјана Кузмановска и Лијана Затуроска.
До објавувањето на огласот и изборот на ново раководство ќе се назначи вршител на должност.
Според извори на СДК, лидерот на ВМРО-ДПМНЕ, Христијан Мицкоски, бил затекнат од оваа одлука на трите пратенички.
Во моментов ВМРО-ДПМНЕ нема ниту координатор на пратеничката група во Собранието, откако драган Данев во понеделникот се откажа од ова задолжение.