Мицковски најави победа на 15 октомври и нова ера
Објавено во: Македонија 22 Септември, 2017 21:29
Голема победа на локалните избори најави генералниот секретар на ВМРО-ДПМНЕ, Христијан Мицковски на промоцијата на кандидатите за градоначалници.
Рече дека на граѓаните им требаат промени и сигурност.
„Ние ќе ги донесеме промените кои и требаат на нашата татковина и кои граѓаните сакаат да ги видат, во наредниот период со гордо кренати глави и отворени срца и сигурен план ќе ги посетиме домовите, куќите и плоштадите и ќе кажеме дека имаме јасна визија во новата ера“ - вели Мицковски.
Тој повика на сплотеност за остварување на овие цели и за победа на според него „неспособната власт од СДСМ“.
„На 15 октомври победуваме, а на 16 октомври бараме предвремени парламентарни избори. Ќе кажеме дека имаме план за новата ера. Конкретна програма, прецизно и одмерено ветуваме, секој проект е решение кое е потребно на граѓаните. Образованието е најважен темел и затоа ќе изградиме 331 училиште, повеќе од 135 градинки“ - изјави Мицкоски.
Најави и 412 проекти за канализациони системи, изградба на 308 проекти за водоводни проекти и мрежи.
ВМРО-ДПМНЕ вечерва одржува конвенцијата за претставување на кандидатите за градоначалнци. Слоганот на партијата е „Новата ера почнува“.
Можеби ќе ве интересира
Желјазков: Немаме нерешени билатерални прашања со Република Северна Македонија
Петре Шилегов бара оставка од лидерот на СДСМ, Венко Филипче
Арсовска од медиумите дознала дека треба да пријави имотна состојба, ја обвини ДКСК за јавен линч
Собранието го изгласа пакетот закони потребни за целосно функционирање на системот „Безбеден град“
Собранието донесе Резолуција за осуда на манипулациите на опозицијата и за потврда на политиките против нелегалната миграција
Грчкото МНР реагира за изјавата на Мицкоски: Секој обид за фалсификување или менување на содржината на Договорот oд Преспа нема да биде прифатен
„Кој има две блузи, нека даде една на оној што нема ниедна“: Празнична солидарност на дело - Велешани со пример за цела Македонија
Наводите за привилегии за тендерите се неточни, велат од Владата по обвинувањата за давање милионски тендери
