Милановиќ: Прво Македонија и Албанија во ЕУ, па дури после Украина
Објавено во: Македонија 03 Март, 2022
Хрватскиот претседател Зоран Милановиќ откри дека бил повикан да им се придружи на претседателите на осум земји од централна и источна Европа кои со писмо ја повикаа ЕУ на Украина веднаш да ѝ даде статус на кандидат за членство.
Станува збор за претседателите на Бугарија, Чешка, Естонија, Летонија, Литванија, Полска, Словачка и Словенија.
Милановиќ смета дека сето тоа е во ред, но и дека мора да се донесе и одлука за отворање на преговорите со Северна Македонија и со Албанија, а Босна и Херцеговина и Косово да добијат кандидатски статус, изјави
– Бев повикан да потпишам заедничка изјава со претседателите од Источна Европа, на Украина итно да ѝ се даде статус кандидат за членство во ЕУ. Во ред, состојбата е вонредна и бев подготвен да потпишам, но под услов таков статус да им се даде и на БиХ и на Косово, кое некои членки сѐ уште го немаат признаено. Барав, исто така, да се донесе одлука за почеток на преговорите за пристапување во ЕУ со Албанија и со Северна Македонија кои Брисел ги малтретира со години. Тоа за нас е еднакво важно како и Украина – изјави Милановиќ.