Милијарда од Емиратите за Србија: за што ќе се трошат, како ќе се враќаат?!

Добивај вести на Viber

Емиратите на Србија и одобрија заем вреден милијарда долари со цел зајакнување на врските со оваа балканска држава, наведува француската агенција Frans pres, потсетувајки дека ова е најголемо вложување на ОАЕ во Србија. -Овој договор ќе допринесе  за зајакнување на соработката и односите помеѓу ОАЕ и Република  Србија, пренесува АП дел од соопштението на Секретаријатот на Абу Даби за финасии. Француската агенција потсетува и дека минатата година ОАЕ и Србија отворија амбасада во Белград, односно Абу Даби, како и дека покрај 49 одсто од акциите на "Er Srbija" на "Etihad " му доделен петгодишен договор за управување со српската авиокомпанија. Италијанската агенција ANSA пак наведува дека во склоп со договорот околу заемот, 100 милиони долари ќе бидат издвоени за земјоделство, од кои поголем дел ќе се искористи за системи за наводнување. Покрај потсетувањата на инвестирањето на Емиратите во "Er Srbijа", ANSA потецира дека во Србија е склопен договор и за „Белград на вода“, кој опфаќа изградба на голем трговски центар и Кула Белград . -Луѓето во Србија треба да знаат дека никогаш ништо вака поволно не сме добиле од никој, ниеден заем кој би бил вака добар и под вака поволни околности како што се овие, ја пренесува италјанската агенција изјавата на подпретседателот на Српката Влада Александар Вучиќ. Сепак овој кредит е далеку од трите милијарди евра кои и се потребни на Србија и тоа може да го разниша финансискиот план на државата. Информациите од крајот на минатата година покажуваат дека Србија била задолжена огромни  2.185.920.841.586 динари, а со нереформирана економија и во економска криза тешко добива поволни кредити за да ги отплати долговите што доспеваат. Пресметката покажува дека за да ги отплати долговите дома и во странство цела Србија треба да работи 2,5 години, а притоа да не потроши ниту динар!