Милош Земан: И благодарам на Русија дека не треба да кажуваме „Хајл Хитлер“
Објавено во: Свет 30 Март, 2015
Претседателот на Чешка, Милош Земан ќе ја посети Москва во врска со парадата на Победата на 9 мај.
Тој тоа го открил во интервју за радио станицата „Frekvence1“, пренесоа руските медиуми.
„Јас ќе одам во знак на благодарност поради тоа што во Чешка не треба да се зборува на германски јазик, не треба да велиме „Хајл Хитлер“. Без Советскиот Сојуз Хитлер немаше да биде поразен. Цената е 20 милиони загинати (советски граѓани)“, истакнал Земан.
Според него одбивањето на германската канцеларка Ангела Меркел да учествува на парадата се јавува како нормална „политичка итрина“.
Според него оние кои велат дека СССР ја „окупирала“ Чехословачка во 1945 треба добро да ја научат историјата.