Добивај вести на Viber
Пратеникот од ВМРО-ДПМНЕ, Антонио Милошоски, преку фејсбук излезе со жестоки критики за министерот за евроинтеграции, Никола Димитров, откако стана јасно дека тој нема да биде дел од Владата на Димитар Ковачевски.
Тој на фејсбук пишува дедка Димитров бил „камелеон без датум и без место во владата!“
„Воден од принципите на кариеризмот Никола Димитров пет години ја играше улогата на дипломатска фасада на владата на СДСМ и ДУИ, за возврат на добиената фотеља, статус и повластици. Пред странската јавност се трудеше да ги затскрива владините девијации и институционалниот рекет говорејќи за реформите кои никаде не се случија. Пред домашната јавност упорно манипулираше со најавата на датумот за преговори со ЕУ, кој никогаш не се случи“, пишува Милошоски.
Натаму, вели, „пред шефот и со шефот беше спремен да се фотографира во сите пози само за да ја задржи позицијата на корисен политички камелеон: го сликаше Заев со Трамп и поздравот од две секунди да го пласираше како средба, се сликаа полуголи на одмор, се фотографираа и со сопругите на ранчот во Струмица, возејќи квадрицикли, и се разбира, Димитров успеа да има најширока насмевка на легендарната фотографија од авиончето кога заедно со Заев, Бујар и Анѓушев лажеа дека сме го добиле датумот кој сеуште го немаме“, пишува Милошоски.
„За пет години функција го продаде и достоинството на народот, суверенитетот на Уставот и придавката македонски само со еден потпис, додворувајќи му се на шефот да биде кандидат за претседател на државата. СДСМ објави дека во новата влада нема да има место за овој политички камелеон, со тоа индиректно признавајќи го неуспехот и на Димитров и на целата влада во дипломатијата и во европските интеграции, без членство во ЕУ, а со многу понижувања и манипулации за народот. На крајот од празната фраза на Димитров "ќе не' биде" остана само ЌЕ, а од ветуваното членство во ЕУ останаа само фотографиите во мини Шенген“, пишува пратеникот на својот фејсбук профил.