Минарето во Охрид продолжува да „расте“ - изборите поминаа а какво решение ќе понуди Заев?

Добивај вести на Viber

Пред скоро два месеци премиерот најави дека решение за Алипашината џамија ќе се бара по изборите а тие поминаа па денеска од Здружението Свест реагираат дека минарето продолжува да се гради.

„Си поминаа изборите и ќе си тераaт по старо.. Опп еве денес 08.05.2019 се спрема нов спрат нa минарето на дивоградбата Aлипашина џамија..Правда нешо..закон нешо..жолт картон нешо..пораката е разбрана нешо..Почитувани 5 мај помина, Охрид нема време да чека!!Довербата повторно ви ја дадовме, Жолтиот картон го испорачавме,не дозволувајте да не изиграте зошто следно е Црвен!!“ - пишуваат од ова здружение на социјалната мрежа Фејсбук.

Премиерот на средбата која ја одржал неодамна токму со ова здружение кажа дека а постои конзерваторско решение за конзервација и реставрација, како што е точно дека нема одобрение за градба. 

„Одлучивме, сензитивен период е, доаѓаат избори, Охрид е пример на соживотот и на меѓурелигиското разбирање, за ова прашање заедно на заеднички состанок после 5 мај, да седнеме во Владата и го изнајдеме решението. Законите треба да се почитуваат во државата, но истовремено да ги почитуваме и сите други околности коишто се важни за сите граѓани", рече тогаш Заев.

Дали ќе следи нова изјава по денешната реакција на здружението „Совест“ од страна на надлежните ќе почекаме.