Минимални права за вработените во агросекторот

Добивај вести на Viber

Работодавачите од агросекторот не ги информираат вработените за евентуални промени во компаниите или нивното преструктуирање, нема социјален дијалог, а работниците речиси воопшто не се консултирани за важните прашања, велат од Агросиндикатот. Како што изјави претседателот Живко Даневски, ЕУ директивата за информирање и консултирање на работниците на ниво на претпријатие е имплементирана во Законот за работни односи во 2010 година, а во општиот колективен договор за реалниот сектор е вградена годинава. Сепак, истакна тој, во овој сегмент заостануваме десетина години зад Европската унија. „Веќе сме во преговори за клаузулата работодавачот да нема право да ги отпушта работниците на неопределено време ако во текот на годината анагажира повеќе од осум отсто сезонски работници. Идејата е, во соработка со синдикатите од западна Европа, да ги зачуваме работните места особено сега, во период на криза, зашто такви специјалности, обучени лица тешко се наоѓаат, нагласи Даневски. Според него, интензивно се работи на социјалниот дијалог со работодавачите и тука напредокот е многу добар, отворено е прашањето на сезонските работници и утврдена најниска плата во колективниот договор со важност од 1 септември 2012. Тој информираше дека со Организацијата на работодавачи било разговарано договорот за вработување да биде на две години, наместо на една, како и да се гарантира работа во две сезони, а не во една, додека искуствата се собирааат од данските и холандските синдикати.