Се подготвува веб-страница за онлајн пријавување за вакцинација, се очекуваат и првите вакцини од Кина

Добивај вести на Viber

По примерот на Србија, и кај нас Министерството за здравство подготвува веб-страница, на која граѓаните ќе може да се пријавуваат за примање на вакцината против Ковид-19.

Оттаму потврдуваат дека во тек се подготовките на страницата сајтот. 

Инаку, во Србија веќе функционира овој систем каде заинтересираните граѓани наведуваат свои генералии, а имаат можност да изберат и на кој пункт би сакале да се вакцинираат. Освен тоа наведуваат и телефоински број, на кој подоцна добиваат известување кога е нивниот термин за вакцинација.

Инаку, во текот на месецов во Македонија треба да пристигнат првите дози од вакцините, од производителите Фајзер и Синофарм. Според последните изјави на министерот Филипче вакцинацијата ќе започне со кинеските вакцини, од каде треба да добиеме 200.000 дози, а напрвени се и приоритетните листи со име и презиме на граѓаните кои се сметаат за високоризични и кои се во првата група за апликација на вакцината. Пред нив секако ќе бидат вакцинирани здравствените работници кои се на црвената линија. 

ФОТО/Фејсбук