Министерот Сарачини во посета на Словачка
Објавено во: Економија 19 Ноември, 2012
Mинистерот за економија Ваљон Сарачини денеска и утре престојува во посета на Република Словачка, во рамките на која ќе оствари билатерална средба со словачкиот министер за економија Томас Малатински.
На средбата, како што соопшти Министерството, ќе бидат дискутирани темите од областа на туризмот, трговијата, а ќе се отвори и прашањето за интензивна промоција на можностите и условите за инвестирање во Македонија, со посебен осврт кон прашањата поврзани со регионалната соработка и енергетиката.
Министрите ќе потпишат и меморандум за економска соработка помеѓу Република Македонија и Република Словачка со желба за унапредување на економската соработка во областите од заемен интерес, но и размена на искуства во областите на процесот за пристапување во Европската унија.