МИНИСТЕРСТВО ЗА ЗДРАВСТВО ДО СПЕЦИЈАЛИЗАНТИТЕ: Решение ќе има после изборите

Добивај вести на Viber

Oд Министерството за здравство велат дека во изминатиот период, приватните специјализанти остварија неколку средби со министерот за здравство и со претставници од Министерството, каде што се слушнаа нивните барања и се изготви извештај, со цел изнаоѓање решение за нивниот работен статус. 

На последната владина седница е донесена одлука согласно закон, веднаш по изборите, да се подготват предлог законски решенија со коишто ќе се предвидат нивните севкупни права и одговорности.

„Во однос на двете барања на приватните специјализанти, Министерството за здравство Ве известува дека дел од приватните специјализанти веќе имаат здравствено осигурување и се во работен однос, додека пак 10 отсто од приватните специјализанти немаат здравствено осигурување од причини што или не се јавиле во подрачните служби или не го исполнуваат условот од аспект на остварените приходи бидејќи добиваат паричен надоместок. Во 2018 година, приватните специјализанти за првпат беа препознаени во јавното здравство и платени за својата работа. Покрај финансискиот надоместок, тие добија можност за исплата на дежурства и здравствено осигурување. Ставот на Министерството е позитивен кон нив, со цел да им се излезе во пресрет, но решение ќе има после изборите“, соопштија од Министерството за здравство. 

Продолжува генералниот штрајк на приватните специјализанти. Во понеделник под мотото „Пет до дванаесет за македонското здравство“ револтот ќе го изразат и пред ресорното министерство.

Денеска од кругот на клиничкиот центар порачаа дека не остапуваат од своите барања, повисоки плати и регулирање на здравственото осигурување.