Министрите за финансии од еврозоната на вонредна средба поради Грција
Објавено во: Балкан, Економија 30 Јуни, 2015
Министрите за финансии од еврозоната ќе одржат денеска вонредна конференција за дискутирање на предлогот во последната минута на Атина, неколку часа пред истекот на оваа спасувачка програма за земјата, соопшти претседателот на Еврогрупата Јерун Деиселблум.
„Вонредна телеконференција на Еврогрупата е вечерва во 19 часот по бриселско време за дискутирање на официјалното барање на грчката влада, добиено ова попладне“, соопштил холандскиот министер за финансии Деиселблум на „Twitter“.
Премиерот на Грција Алексис Ципрас побарал двегодишен договор со ЕУ за спасување на земјата неколку часа пред истекот на оваа меѓународна спасувачка програма.