21 Октомври, 2021
0.0276

МИСЛАТ ЛИ ПРАТЕНИЦИТЕ НА РАБОТНИЦИТЕ - уште ништо не е извесно за недела неработен ден, се прават напори да се фати рокот

Објавено во: Економија 21 Септември, 2021

Ќе се успее ли навреме да се изгласа законското решение за недела да стане неработен ден до крајот на месецов, засега нема многу големи изгледи.

На десет дена пред први октомври, денот кој и во самите измени на Законот за работни односи е наведен дека ќе почне да важи недела како неработен ден и практично мора стриктно оттогаш да стартуваат законските измени, никој со сигурност не може да каже дали ќе се запази предвидениот рок.

Она што вчера се случи е дека Комисијата за труд и социјална политика, иако така беше најавено, не успеа да се состане и да го помине во второ читање Предлог законот за измени на ЗРО, со цел тој денеска да може да се стави на дневен ред на пленарната собраниска седница, каде би поминал и така би се овозможило и официјално да стартува од први октомври, како што стои и во самиот негов законски текст.

А токму идејата беше вчера измените да поминат на Комисија, за да можат да се стават на дневен ред на денешната собраниска седница и да бидат изгласани од мнозинството народни избраници.

Наши извори укажуваат дека проблемите зошто вчера не се одржа седницата се наводни препукувања меѓу Алтернатива, чии пратеник Хусни Исмаили е претседател на Комисијата, и ВМРО-ДПМНЕ. Поточно, претседателот на комисијата рекол дека сака да ја одржи седницата, но според него, „тоа наводно го блокирале пратениците од ВМРО-ДПМНЕ, кои намерно оделе по 30 луѓе да присуствуваат на комисијата, иако не постоела толку голема слободна сала во која сите би можеле да бидарт собрани, според важечките здравствени протоколи“.

Сега седницата на Комисијата е закажана за денеска во 9 часот, но како што објаснуваат нашите соговорници, дури и да помине на комисијата, не би било возможно денеска да се закаже на дневен ред на пленарка.

Причина за тоа е што има неколку поднесени неколку амандмани на законските измени од пратениците, меѓу кои има и два амандмани од народни избраници од СДСМ, кои според извори од партијата, се издржани и потребни и има шанси да се прифатат. Еден од амандманите, според сознанијата, се однесува за 12 вработени во една наша компанија, за кои исто така требало да се наведе дека се исклучок од недела неработен ден. Имало амандмани и од други партии, меѓу кои и на ДОМ, а кои се однесуваат за вработените во индустријата за јаглен, за кои се барало да се исклучат од законските измени.

Нашите соговорници велат дека доколку се прифатат дел од амандманите, што е многу очекувано, токму тоа би било пречката законските измени да се стават на дневен ред на пленарната седница, бидејќи кога се прифаќа амандман, потоа треба да се подготви дополнет предлог закон со тој амандман, за што е потребно време и тоа сигурно нема да се стигне во истиот ден.

„Друга можност е да се закаже нова собраниска седница докрајот на неделава, на пример во петок, и на неа да помине дополнетиот предлог закон, за веќе од петок идната недела кога недела неработен ден мора да стартува, тоа да може и да се случи“, потенцираат нашите извори.

Всушност, за тоа какви решенија да се изнајдат, пратениците вчера попладнето имаа неформална средба со собранискиот спикер Талат Џафери.

Министерката за труд и социјална политика Јагода Шахпаска вчера апелираше пратениците што поскоро да го донесат законското решение, со цел, како што рече, на работниците да им се овозможи баланс меѓу професионалниот и приватниот живот.

„Апелирам до пратениците, затоа што работниците се нашиот најголем човечки капитал, да се погрижиме да им овозможиме да се воспостави баланс меѓу приватниот и професионалниот живот. Верувам дека пратениците заеднички ќе го донесат ова законско решение и ќе може да се применува од први октомври, како што е предвидено“, рече Шахпаска.

Со двата закони, за околу 92 проценти од работниците во државата недела ќе биде ден на неделен одмор. Работниците во дејностите кои се неопходни да функционираат, ќе добиваат за 50 отсто повисока дневница. Трговските центри во недела ќе работат само во една смена, од 10 до 18 часот, а вработените ќе добиваат 100 отсто повисока дневница за работа во недела. Трговските субјекти во моловите ќе имаат обврска да уплаќаат износ во висина од 2 отсто од остварениот промет во недела во Буџетот, а овие средства ќе бидат искористени за основање на нови детски градинки.

Н.Н.Ф.

Можеби ќе ве интересира

Како Европа ќе закрепне од ударот на корона кризата?

Како Европа ќе закрепне од ударот на корона кризата?

Швајцарија оваа зима може да остане без струја

Швајцарија оваа зима може да остане без струја

Ги замрзнаа цените на скоро 1.500 производи до 2022 година

Ги замрзнаа цените на скоро 1.500 производи до 2022 година

Нов пробив за биткоинот

Нов пробив за биткоинот

Генерали Инвестментс: Повисоката инфлација најверојатно ќе трае подолго од очекувањата на јавноста

Генерали Инвестментс: Повисоката инфлација најверојатно ќе трае подолго од очекувањата на јавноста

АНАЛИЗА: Можни ли се рестрикции на струја во зимата, експерти алармираат - состојбата е катастрофална

АНАЛИЗА: Можни ли се рестрикции на струја во зимата, експерти алармираат - состојбата е катастрофална

УШТЕ ПОСИЛНА ДИГИТАЛНА ВАЛУТА: Поради ова биткоинот би можел да биде повреден како никогаш досега

УШТЕ ПОСИЛНА ДИГИТАЛНА ВАЛУТА: Поради ова биткоинот би можел да биде повреден како никогаш досега

„Македонија пат“ за една година бројот на вработени го зголемил за 130

„Македонија пат“ за една година бројот на вработени го зголемил за 130

Многу држави ќе натрупаат долгови поради пандемијата

Многу држави ќе натрупаат долгови поради пандемијата