Добивај вести на Viber
Џихадистите на Исламската држава (ИС) на северот на Ирак употребуваат американски пушки М-16,објави денес американската телевизиска мрежа NBC.
„Важно е да се напомене дека е ретка употребата на американски пушки од борците на ИС и само е видена во Ирак. Овие пушки, веројатно ги оставиле мариканските војници или им ги одзеле ирачките војници“, се наведува во извештајот објавен на сајтот.
Појавата на информацијата дека џихадистите од ИС употребуваат американски пушки М-16 ја обелодени компанијата „Флешпоинт“ , која е и советник за прашање на безбедноста на таа телевизиска американска мрежа. Ирачката војска не се огласи по ова прашање, но претходно соопшти дека борците на ИС, до јуни украле 2300 хамери, кои се дел од американската воена помош на таа земја и кои се запленети во Мосул бидејќи тој ирачки град паднал во рацете на џихадистите.
Минатата година ИС во видео запис обелодени дека пакети со оружје се исфрлени од воздух за курдските борци, и завршиле во нивни раце.