Мизрахи му покажуваше фотографии на Заев во Собранието, тој и возврати зошто не зборува за Германија, туку за Бугарија

Добивај вести на Viber

Рашела Мизрахи, пратеничката на ВМРО-ДПМНЕ, на денешната седница во Собранието за поставување на пратенички прашања му покажувашпе фотографии од членови од нејзиното семсјтво убиени во фашистички логор, како и фотографии од убиени македонски национални херои во текот на Втората светска војна. На ова премиерот Зоран Заев, кој беше присутен на седницата, возврати дека тоа е однапред подготвена провокација и дека поранешната техничка министерка за труд и социјална политика во тој случај треба да зборува и за Германија, а не само за Бугарија.

- Ова е моето семејство однесено од бугарскиот фашистички окупатор во Треблинка., Сите убиени, освен мојот дедо, рече Мизрахи, која покажуваше и фотографии од Страшо Пинџур и Мирче Ацев, кои биле претепани до смрт, а рече дека и струмичанецот Благој Јанков - Мучето е застрелан од фашистите во Струмица, а Заев наредил да се избрише зборот „бугарски“ од неговата спомен плоча.

Заев рече дека фашисти ги убиле овие граѓани, но и дека Мучето бил предаден од пет македонски семејства каде што се криел, па потоа го убиле. 

- И јас се чувствувам патриот како вас. Јас се обратив на македонски јазик во Европскиот парламент и за тоа добив аплауз од сите европратеници. Со покажување на слики на мои сограѓани вие се трудите да ме повредите со тоа како го зборувате. Но не можете цела Бугарија да ја правите фашистичка, ниту нејзините поколенија. Тоа не е Европско и не личи на 21 век. Минатото нема да го заборавиме но ќе се посветиме на иднината. Така и Чешка и Словачка имаат такви договори со Германија. Јас можам да се чукам по градите и да се прават десет пати поголем херој, но мене ме интересира како ќе живее народот. Тоа не значи дека се откажуваме од минатото, одговори Заев.