Младите да се ослободат од даноци - ВМРО-ДПМНЕ ветува, како - ќе кажат подоцна

Добивај вести на Viber

Нова влада која ќе ја предводи ВМРО-ДПМНЕ по изборите ќе ги укине даноците за младите до 29 години кои заработуваат помалку од 6000 евра годишно. Намести квази мерки, ние нудиме применливи решенија, велат од партијата, во своето најново соопштение.

Фактор праша во партијата кои се даноци ќе бидат укинати за младите луѓе, и дали имаат пресметки во смисла дали е тоа изводливо и одржливо економско решение. Но, оттаму велат дека засега деталитге не се откриваат. 

Од ВМРО-ДПМНЕ упатуваат дека тоа ветување го испорачал и партискиот лидер Христијан Мицкоски, во своето обраќање пред граѓаните во Кавадарци.

„Ќе ветиме и ќе испорачаме дека следната влада на ВМРО-ДПМНЕ за секој млад човек кој што ќе има месечно примање до 500 евра, до 29 години ќе биде ослободен од даноци.  За секој млад човек кој што ќе има годишни примања не помали од 6.000 евра ќе биде ослободен од плаќање даноци и тоа ќе го испорачаме“, рече Мицкоски во таа прилика.

А даноците се привлечна категорија за граѓаните. 

Актуелната власт, пак, прогресивниот данок кој го воведе на стартот на годинава за заработувачки над 90 илјади денари, го замрзнува во период од следните три години, со образложение дека тој не дал резултати во борбата со сивата економија.