Млеката на Дукат со намалена цена и светско признание за исклучителен вкус
Објавено во: Агробизнис 31 Мај, 2013
Дукат трајното млеко со 2,8% масленост е меѓу наградените производи на Дукат со златни ѕвезди за исклучителен вкус на годинешното тестирање кое го спроведува Меѓународниот институт за вкус и квалитет од Брисел
Млеката на Дукат кај потрошувачите во Македонија, во текот на месец јуни ќе се продаваат по пониска цена. Конкретно, трајните млека на Дукат со 2,8% и 0,5% млечна маст ќе се продаваат по промотивна препорачана цена од 45 денари за литар, со што намалувањето на малопродажната цена надминува 10 проценти. - За оваа одлука за намалување на цената имаме двоен повод. Првиот е Светскиот ден на млекото, а вториот е исклучително високата оценка од меѓународните авторитети за тестирање на вкусот и квалитетот на омиленото трајно млеко на потрошувачите ширум регионот и во Македонија. Ваквиот огромен успех на Дукат заслужува да биде споделен со нашите потрошувачи, изјави Благоја Слабев, генералeн директор на Дукат во Македонија. Имено, трајното млеко на Дукат со 2,8% м.м. е наградено со две златни ѕвезди за неговиот исклучителен вкус од страна на Меѓународниот институт за вкус и квалитет (кратенка iTQi) со седиште во Брисел, во рамки на годишното тестирање во кое учествуваат над 1200 прехранбени производи и пијалаци од реномирани производители ширум светот. Покрај трајното млеко на Дукат со 2,8% м.м., награди на годинешното тестирање за вкус и квалитет од страна на iTQi добија уште 10 млечни производи на Дукат, меѓу кои: Дукат јогуртот со 2,8% масленост, јогуртите SenSia и b.Activ LGG, Dukatela classic, сирењето Sirela Podravec и други. iTQi - Меѓународниот институт за вкус и квалитет од Брисел секоја година, спроведува ригорозни тестирања на најраспространетите и популарни прехранбени производи и пијалаци, и врз основа на резултатите ги издава наградите за супериорен вкус („Superior Taste Award“). Тестирањето го спроведува специјална жири комисија составена од врвни кулинарски експерти и сомелиери од 15 најпознати Европски асоцијации. Целосните резултати од годинешното тестирање се објавени на www.itqi.com* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
