ММФ ја намали прогнозата за раст на Грција на 0%
Објавено во: Балкан, Економија 02 Јули, 2015
ММФ ја намали прогнозата за економскиот раст на Грција за 2015 година од 2,5% на 0%.
Во својот извештај институцијата наведува дека поради лошата финансиска состојба на земјата, ЕУ ќе мора да ги одложи значителните рокови за враќање на нејзините доделени заеми. Според ММФ Европејците ќе треба да ги удвојат роковите за враќање на парите, како и грејс период за каматата.
Претходно од фондот посочија дека Грција ќе има потреба од европска помош од уште 36 милијарди евра во следните три години, дури и да го одобри планот на доверители, кој ќе биде изгласан на референдум во неделата.
Финансиските потреби на земјата се зголемија поради „големите политички промени“ во Атина и сега изнесуваат 50 милијарди евра до 2018 година, се вели во документот.