Мојот кабинет е секогаш отворен за граѓаните, вели Меџити

Добивај вести на Viber

Првиот заменик-претседател на Владата и министер за животна средина и просторно планирање, Изет Меџити, денеска ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село, информираат од МЖСПП.

Министерот Меџити ги информирал жителите за професионалните и институционалните причини што доведоа до оваа одлука.

-Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, се вели во соопштението од МЖСПП.

На состанокот било истакнато дека приоритет е заштитата на животот и благосостојбата на граѓаните над секој економски интерес.

Меџити истакнал дека следниот чекор е конечно поништување на концесијата во Влада, со што ова прашање ќе добие трајно решение.

Жителите на Страчинце се заблагодариле за одлуката и за приемот што го остварил министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.