МОМЧЕТО НА ЗАГИНАТАТА ДЕВОЈКА БИЛО ВО ШОК: По сите направени прегледи е пуштено на домашно лекување, д-р Арсенков за Фактор

Добивај вести на Viber

Момчето на загинатата Викторија. Н, 24-годишниот Л. Д. по тешката трагедија кај Сити Мол бил однесен во Клиниката за хируршки болести, „Свети Наум Охридски“ од каде велат дека немал сериозни телесни повреди за кои е потребен болнички третман и хоспитализација, па по сите направени прегледи е пуштен на домашно лекување. Информацијата за Фактор ја потврди директорот на Старата градска болница, д-р Љубен Арсенков.

-По трагичната несреќа момчето е донесено тука. За среќа тој не се здобил со тешки телесни повреди. Единствено имал набиеница во делот кај карлицата. Медицинскиот персонал целосно се погрижи за сите испитувања. Направена му е лабораторија, рентгенски прегледи по што е констатирано дека нема потреба да биде хоспитализиран. Пуштен е на домашно лекување со совет денеска да се јави на контрола, вели д-р Арсенков.  

Истовремено, посочува дека момчето било во страшен шок, целата ситуација, страшната глетка се случувала пред негови очи.

-Момчето било премногу вознемирено. Една страшна сцена се случила на само еден чекор пред него, заради што му е дадена терапија за смирување, вели д-р Арсенков.

Сообраќајната несреќа со фатални последици за младата Викторија Н. се случи вчера точно во 19.44 пред Трговскиот центар Сити Мол.

Анита Буховски