МОН со реакција: Богоев собира дневно политички поени на грбот на студентите

Добивај вести на Viber

Денешната прес конференција на СДСМ е уште еден обид за политички популизам и собирање на дневно политички поени на грбот на студентите, кои токму во времето на владеење на оваа политичка партија, всушност беа социјално загрозена категорија, реагираат од МОН на прес конференцијата на Стефан Богоев, претседател на СДММ, кој презентираше мерка за платена работа за студенти во студентските кампуси.

- Би сакале да информираме дека Владата спроведува поширока стратегија со бројни активности и мерки за поддршка на студентскиот стандард и олеснување на студентскиот живот и делување. Имено, во изминатите неколку години студентите плаќаат унифицирана и петкратно пониска партиципација за студирање од износите кои ги плаќаа во периодот до 2006 година. На располагање имаат повеќе од 40 различни видови стипендии, за разлика од минатото кога се доделуваат само неколку видови кои се броеја на прсти. Добиваат бесплатен превоз во јавниот сообраќај и бројни попусти при посети на музеи, театри, културни и спортски манифестации. За најдобрите воведено е и наградно патување на атрактивни туристички дестинации.

Наместо “part time job“ проекти, во собраниска процедура е конкретна законска регулатива со која ќе им се даде можност на најдобрите студенти на петте најдобро рангирани универзитети доколку имаат желба, да се вработат во јавниот сектор, а во меѓувреме, во интерес на студентите и обезбедување на соодветен работен ангажман, континуирано се поддржува и поврзувањето на високо образовните установи со бизнис заедницата во земјата, велат од МОН.