Монсанто ги повлекува новите семиња од Европа
Објавено во: Агробизнис 18 Јули, 2013 19:36
„Ќе ги повлечеме сите барања во наредните месеци“, со оваа изјава за Ројтерс, претседателот на компанијата Монсанто за Европа, Хосе Мануел Мадеро, го најави почетокот на повлекувањето од Европа на дел од производството на компанијата-лидер во продажба и создавање генетски модифицирана храна.
Тој најави дека се повлекуваат сите барања за развој на нови семиња во Унијата, поради, како што изјави, лошите комерцијалните можности за таков развој на стариот континент.
Од Монсанто тврдат дека одлуката се однесува на пет барања за одгледување на модифицирана пченка, едно барање за соја и едно барање за шеќерна репка. Сепак, нема да се повлече барањето за обнова на дозволата за одгледување на пченката „MON810“, единствена генетски модифицирана пченка која сега комерцијално се одгледува во Европа.
Со одлуката за повлекување на новите семиња од Европа, компанијата ќе се фокусира на садење класични семиња во Европа и на осигурувањето на дозволата за увоз на генетски модифицирани организми одгледувани во САД и Јужна Америка.
Европската комисија потврди дека компанијата ја информирала Комисијата за намерата да ги повлече барањата.
И покрај јавното противење за ГМО, Европа е еден од најголемите светски купувачи на вакви жита и годишно увезува преку 30 милиони тони генетски модифицирана сточна храна.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
Koj е најголемиот европски центар за производство на зеленчук?
