22 Јуни, 2024
0.0265

МОРБИЛИТЕ СЕ НАЈЗАРАЗНИОТ ВИРУС НА ПЛАНЕТАТА: Д-р Даниловски предупредува - за епидемија е потребен само еден единствен случај

Објавено во: Македонија 23 Февруари, 2023

Добивај вести на Viber

Професорот Драган Даниловски повторно апелира на поголем опфат на вакцинација против морбили, бидејќи како што посочува во неговата последна објава на ФБ, станува збор за најзаразниот вирус на планетата и дека за избувнување епидемија е потребен само еден единствен случај. „Целиот систем на превентивна и примарна здравствена заштита мора итно да се мобилизира и ангажира, опфатот со вакцинација на децата што побрзо да го достигне заштитното ниво од преку 95 проценти“, нагласува епидемиологот.

-И покрај тоа што веќе неколку пати во медиумите имам укажувано на феноменот на „имунолошка амнезија“ кај морбилите, не е на одмет пак да го спомнам.

Зошто? Пред сѐ, заради многу нискиот опфат со вакцинација против морбилите. Тој се движи некаде околу 70 проценти за првата доза и околу 80 проценти за втората доза во 2021 година, според податоците на Институтот за јавно здравје. Во 2022 година, ситуацијата сигурно не е подобра.  За да не дојде до епидемија, потребен е опфат од преку 95 проценти, зашто вирусот на морбилите е најзаразниот вирус на планетата (репродукцискиот број, R0, е 12-18, што значи дека едно заразено дете може, во просек, да зарази нови 12-18). Во ваква ситуација, доволен е еден-единствен случај да навлезе однекаде, за да се соочиме со појава на епидемиско ширење!

Во што се состои феноменот на „имунолошка амнезија“?

Неодамна, беше откриено дека вирусот на морбилите може да го уништи претходно стекнатиот имунитет со вакцинација или прележување на други заразни болести. Или попрецизно, се уништува имунолошката меморија за сите тие заболувања. Овој феномен е наречен „имунолошка амнезија“.

Откако имунолошкиот систем ќе ги изгуби своите „сеќавања“, тој мора макотрпно повторно да научи сè што знаел некогаш. Тоа може да потрае и до три години.

Во меѓувреме, децата се изложени на ризик од повторно заразување со патогените микроорганизми, кои нивниот организам некогаш знаел да ги препознае, но сега ги „заборавил“.

Сите тие инфекции треба повторно да се доживеат, за да се поправи штетата. Се покажало, меѓутоа, дека морбилите не само што го зголемуваат ризикот од разболување, туку и од смртен исход при тие повторени инфекции.

Поуката од горниве искази е јасна. Целиот систем на превентивна и примарна здравствена заштита мора итно да се мобилизира и ангажира, опфатот со вакцинација на децата што побрзо да го достигне заштитното ниво од преку 95 проценти.


Можеби ќе ве интересира

Спасовски: Во програмата на новата власт нема нови, туку проекти што треба да се довршат

Спасовски: Во програмата на новата власт нема нови, туку проекти што треба да се довршат

Мицкоски: Историски ден, време е Македонија да му возврати на секој чесен граѓанин

Мицкоски: Историски ден, време е Македонија да му возврати на секој чесен граѓанин

АФФ се извини за пцуењето на Даку на Македонија

АФФ се извини за пцуењето на Даку на Македонија

Владимир Нелоски би бил шеф на кабинетот на Мицкоски

Владимир Нелоски би бил шеф на кабинетот на Мицкоски

Украина и Молдавија ја преминаа Македонија во евроинтеграциите - добија датум за преговори

Украина и Молдавија ја преминаа Македонија во евроинтеграциите - добија датум за преговори

Јавниот превоз во Скопје пред колапс, приватните превозници најавија протест

Јавниот превоз во Скопје пред колапс, приватните превозници најавија протест

Посебен режим на сообраќај денеска во Скопје

Посебен режим на сообраќај денеска во Скопје

КАКО ПО ФИЛМСКО СЦЕНАРИО: со закани барале 80 илјади евра, па му го запалиле автомобилот

КАКО ПО ФИЛМСКО СЦЕНАРИО: со закани барале 80 илјади евра, па му го запалиле автомобилот

ЗАГИНАТАТА МАКЕДОНКА ВО ГРЦИЈА ИМАЛА САМО 29 ГОДИНИ: МНР го откри идентитетот и на повредените сопатнички

ЗАГИНАТАТА МАКЕДОНКА ВО ГРЦИЈА ИМАЛА САМО 29 ГОДИНИ: МНР го откри идентитетот и на повредените сопатнички