МОЖЕН НАПРЕДОК НА ГРЧКО-МАКЕДОНСКИТЕ ПРЕГОВОРИ: Средба на Ципрас и Заев по Велигден?
Објавено во: Македонија 01 Април, 2018
Грчките медиуми тврдат дека Атина направила отстапки по прашањето на името Македонија, односно дека се откажала новото име на Македонија да мора да биде на македонски јазик, истовремено најавувајќи можен состанок по велигденските празници на премиерот на Грција и Македонија, Ципрас и Заев.
За таа отстапка, како тврдат грчки медиуми, Атина бара промена на Член 49 од македонскиот Устав кој гласи: „Република (Македонија) се грижи за статусот и правата на лицата кои му припаѓаат на македонскиот народ во околните земји, како и за Македонците во дијаспората, помагаат на нивниот културен развој и ги поттикнува врските со нив. Републиката се грижи за културните, економски и социјални права на граѓаните на Републиката во странство“.
МИА наведува, повикувајќи се на дипломатски извори, дека доколку дојде до значаен напредок во преговорите за името на Македонија кои се продолжени пред два дена во Виена, постои можност двајцата премиери да се состанат по велигденските празници.