Може ли Грција да избегне банкрот: Ципрас го испрати новиот предлог за решение на кризата

Добивај вести на Viber

Грчките кредитори-ЕУ, ММФ, и Европската централна банка, го примија новиот предлог на таа земја, како би избегнала банкрот, објави на Твитер шефот на кабинетот на ЕК Мартин Селмајр.

Новиот предлог на Грција го примиле Јункер, Легард, и ЕЦБ“, напишал Селмајр и навел дека тоа е добра основа за напредок на денешниот самит во Брисел.

Тој додал дека е испорачан предлогот, бидејќи претставнииц на Унијата работеле до доцна во ноќта за да го „средбат договорот“ пред денешниот самит на лидерите на еврозоната во Брисел во надеж дека ќе се задржи Грција во валутниот блок.

Селмајр меѓутоа не навел повеќе детали за понудата на грчкиот премиер Алексис Ципрас до меѓународните кредитори после повеќемесечните преговори и потврдил дека предлогот на Ципрас го примил Јункер, гувернерот на Европската централна банка Марио Драги и директорката на ММФ Кристин Легард.

Грчкиот премиер разговараше вчера со лидерите на Германија, Франција, и Европската комисија во обид да најдат начин за напредок во преговорите околу решението на грчката должничка криза, пред денешниот самит на претставниците на еврозоната.