Мразот уништи лозја и овошки низ Македонија
Објавено во: Агробизнис 27 Април, 2017
Пролетниот мраз доведе до големи штети на лозјата и овошките во кочанско.
Комисиите за проценка на штетите на земјоделските култури во општината веќе втор ден се на терен за да направат увид на штетите.
Раководителот на подрачната единица на Министерството за земјоделство, шумарство и водостопанство, Јордан Димитров изјави дека земјоделците и од кочанско, како и од општините Зрновци и Чешиново Облешево имаат претрпено големи штети.
Тој кажа дека земјоделците штетите од мразот можат да ги пријавуваат до 15 мај, по што ќе се знае целосно претрпената штета по насади и површина. Потребно е да се достават пријави, трансакциска смета, имотен лист или договор за закуп.„Од мразот штети претрпеа и вишните, сливите, јаболките, крушите, смоквите и калинките. Земјоделците од кочанскиот регион масовно пријавуваат штети во нашата подрачна единица“ - вели Димитров.
Слична е состојбата во пробиштипско, битолско, охридско.
Се проценува дека во околината на Пробиштип штетата е 2 милиони евра.
Медиумите од соседството пишуваа дека поради измрзнувањето на овошките, можно е овошјето да поскапе летово.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
