Мукоски појасни што ќе се заштити со амандманите
Објавено во: Македонија 01 Ноември, 2018
Пратеникот Крсто Мукоски од новата пратеничка група произлезена од пратеничката група на ВМРО-ДПМНЕ, попладнево изјави дека се надева дека утре рано Владата ќе го достави документот до Собранието со текстот на амандманите.
Барањата се однесуваат на дополнително зацврстување на македонскиот идентитет, културно наследство и јазикот. Постепена промена на името за внатрешна употреба, следејќи го процесот што води кон полноправно членство на Македонија во ЕУ, поништување на сите амандмани кои произлегуваат од договорот во случај Грција да не го ратификува.
„Разговаравме и за телото за внатрешно помирување . Тоа треба да почне ефективно да работи од понеделник. Договорен е составот и бројот на членовите на телото “, рече Мукоски.
Тој е благодарен што власта има слух за нивните барања.
Осумте пратеници кои помогнаа да се обезбеди двотретинско мнозинство во Собранието за уставни измени, попладнево беа на координација со премиерот Зоран Заев.