МУРТЕЗАНИ ЗА КРИТИКИТЕ НА НИКОЛОСКИ: Да не ги затвораме вратите што би можеле да ги отвориме по изборите во Бугарија
Објавено во: Македонија 30 Септември, 2024
Воопшто не е инвестиција во иден дијалог со Бугарија, напротив – на тој начин само се помага во нивниот предизборен натпревар, да станеме како држава клучна тема на изборите во Бугарија, вели министерот за европски прашања Орхан Муртезани во интервју за „360 степени“ на МРТ 1, за изјавата на министерот за транспорт Александар Николоски во која за лидерот на ГЕРБ, Бојко Борисов, рече дека е политичар обвинуван за корупција, кој спие на пачки злато и евра во неговата спална.
„Апсолутно сметаме дека таквиот пристап е штетен, токму поради фактот што ние не сме ја блокирале Бугарија, туку Бугарија нè блокираше нас. Мислам дека нашиот пристап треба да е крајно конструктивен и внимателен бидејќи со секое заострување на реториката може да ги затвориме и тие врати што сметаме дека можат да се отворат после изборите“, вели тој.
Бугарија инсистира на внесување на Бугарите во Уставот и не сака земји како Унгарија или други да посредуваат во процесот.