МВР ги демантира шпекулациите
Објавено во: Македонија 13 Ноември, 2018
МВР ги демантираше шпекулациите и изутрина за Дојче Веле потврдија дека не е распишана меѓународна потерница по екс-премиерот Никола Груевски, туку дека засега потрагата останува во внатрешпни рамки. Засега нема никакви конкретни сознанија каде би можел да се наоѓа осудениот на двегодипна затворска казна за случајот „Тенк“ кој досега веќе требаше да започне да ја издржува.
Раководството на МВР е недостапно за коментар за синоќешната акција и ваквите обвинувања. Во моментов, практично не постојат официјални информации дали полицијата и натаму има оперативни сознанија дека Груевски е во земјата, штом потрагата ја започна пред неговиот дом и паркингот, односно подземната гаража на седиштето на ВМРО-ДПМНЕ. Од МВР единствено потврдуваат дека против Груевски не е распишана меѓународна потерница, како што објавија некои медиуми.