МВР пронајде 10 украдени автомобили што се продавале како половни

Добивај вести на Viber

Министерството за внатрешни работи во контрола на пазарот на половни возила, одзеде 10 возила и еден мотоцикл под сомнение за фалсификат.

Акцијата се одвивала во соработка со Царинската управа, Јавното обвинителство, Пазарната инспекција и Управата за јавни приходи, во тесна координација со Генералниот секретаријат на Интерпол.

Станува збор за акција во глобална операција против криминал со моторни возила, координирана од Генералниот секретаријат на Интерпол. Операцијата била спроведена во 77 држави, при што во овие држави откриени се 1.121 украден автомобил и 64 мотоцикли.

На нашата територија за време на акцијата беа извршени 1.540 проверки на лица и 1.467 моторни возила. 

При преглед на плац за продавање на делови за моторни возила т.н. авто отпад извршена е идентификација на 62 возила за кои е утврдено дека имало избегнати давачки.

„Апелираме до граѓаните да внимаваат при купување на половни моторни возила и увоз од странство, особено на веродостојноста на документите и потеклото на возилото согласно законодавството во државата од каде се увезува“, велат од МВР.