На автопатот Белград-Нови Сад повредени се две жени и две деца од Македонија
Објавено во: Македонија 14 Мај, 2022
Две жени и две деца од Македонија денеска се повредени во тешка сообраќајна несреќа на автопатот Белград-Нови Сад во Србија.
Маж загина, додека една од повредените жени е во критична состојба. Српските медиуми објавија дека загинатиот е 56-годишниот М.А. државјанин на Хрватска, а повредените жени и деца се македонски државјани.
Според Blic.rs, сообраќајната несреќа се случила денеска околу 11.50 часот во близина на крстосницата Ковиљ кога автомобил марка „Пежо“ со македонски регистерски таблици во кој биле возачот и повредените сопатници, од засега непознати причини, излетал од патот.
Од ургентниот центар на Клиничката болница Војводина соопштиле дека кај нив се примени две пациентки со тешки телесни повреди на главата и на телата.
„По инцијалната постапка за реанимација, спроведена диајгностика и оперативен третман, едната пациентка е во тешка состојба, хемодинамски нестабилна и сместена е во Ургентниот центар. Кај другата пациентка се уште се спроведува дијагностика и се санираат повредите“, стои во соопштението од ургентниот центар Војводина што го пренесоа српските медиуми.
Според медиумите од Србија, едно од децата е во критична состојба.
foto newnows.rs