На кои 82 пратеници се „потпира“ Заев за поддршка на уставните измени?
Објавено во: Македонија 09 Октомври, 2018
82 пратеници неофицијално ќе дадат поддршка за Уставните измени, се коментира во последната емисија на 360 Степени.
Засега не се познати имињата кои пратеници од опозицијата би можеле да му дадат поддршка на премиерот кој пак доцна синоќа на социјалните мрежи ги повика пратениците со пораката „Пратеници, Време е!“
Покрај оваа порака, на профилот на премиерот пишува дека сите пратеници имаат историска должност пред граѓаните, а тоа е да го обезбедат патот на Македонија кон стабилност и економски просперитет.
„Тоа е патот кон НАТО и ЕУ кој води преку македонско-грчкиот договор“, стои во видео пораката“.
Владата го објави и предлогот за покренување измени на Уставот на РМ кој стигна во Собрание на разгледување пред донесување одлуки за отпочнување на процедурите на уставните измени, потврди собранискиот претседател.
Во предлогот се предлага придавката „северна“ да се додаде во името на Република Македонија во текстот на Уставот, така да новото име биде Република Северна Македонија.
Како што кажаа од Владата предложени се измени во воведниот дел на Уставот, согласно со Преспанскиот договор постигнат меѓу Атина и Скопје.