19 Февруари, 2019
0.3007
    ALK 8399.04    0.8%     GRNT 819.84    1.13%     KMB 5511.54    1.71%     MKSD 200    1.89%     MPOL 378.85    1.57%     MPT 51376.33    -0.05%     MTUR 5110.78    0.21%     OHB 6719.33    0.29%     RZUS 105    7.14%     SBT 2412.53    3.16%     STB 1252.62    0.27%     STIL 125.5    2.87%     TEL 314.49    1.23%     TKVS 5250    -0.09%     TNB 15495.99    1.28%     TTK 1380    0%     UNI 2239.38    0.87%     ZILU 251.3    2.15%

На Македонија ќе и фалат неколку илјади текстилци и чевлари?

Објавено во: Анализа 04 Декември, 2018

Во следните години во Македонија ќе недостигаат неколку илјади текстилни и чевларски работници.

Причините се иселувањето во странство и стареењето на населението. Оние работници кои ќе отидат во пензија, ќе нема кој да ги замени. Кристина Ампева од Здружението Гласен Текстилец од Штип вели дека не може точно да се предвиди, бидејќи каква состојба ќе имаме во иднина зависи од повеќе фактори.

„Неколку жени со кои јас сум во контакт од Делчево си бараат чаре да се иселат кој во Германија, кој во Швајцарија. Mногумина одат на сезонска работа во Италија, и бараат начин таму да останат. И не само Делчево, туку ова важи и за другите градови од Истокот. Луѓето попрво би работеле во некоја странска инвестиција отколку во конфекција. Едноставно кај нив се регулирани додатоците на плата, исплата на к – 15 полн износ, како и 13 плата. Но, работата не е полесна од текстилна компанија, напротив. Да се отвори некоја странска инвестиција која би нудела плата да речеме од 300 евра, работниците ќе бегаат за да работат таму. Работодавачите да ги почитуваат работничките права, да не ги избегнуваат обврските за плаќање, нема да имаат толкав одлив во странските инвеститори“, вели таа.

Во земјава има околу 37.000 текстилни работници.

Лидија Милановска од Здружението на чевлари од Куманово раскажува дека веќе се чуствува недостиг од челварски работници, и затоа постојано има огласи за вработување. Објаснува дека само кај неа во фирмата, за две години има 20 работници помалку, затоа што некои заминале во странство, а дел од жените кои останале на породилно отсуство, откако не можат да најдат место во градинка за своето дете, остануваат дома.

„Веќе 7-8 или повеќе години, нема насока за чевлари во средните стручни училишта. Ние не можеме да очекуваме дека човек кој ќе го земеме од Биро за вработување веднаш ќе го обучиме. Ако вака продолжи ќе мора да се затворат многу фирми, или ќе бидат семејни, ќе работат неколку луѓе. Работа имаме, но нема со кого да работиме. Кај мој колега во фирма најмладата работичка има 55 или 56 години. Повеќето работници се над 50 години, и ако во Куманово има 50 фирми, сигурно секаде фалат по 10 работници“, вели Милановска.

Таа додава дека мора надлежните да преземат мерки, преку добра образовна политика, така што не мора послабите ученици да се запишуваат во гимназиите, туку да се насочат во стручните училишта, или со друга мерка да се помогне оние луѓе кои се невработени, самохрани мајки, социјални случаи, наместо да живеат од социјална помош, да се обучат за чевлари и да заработуваат барем минимална плата ако не повеќе. Бројот на чевларски работници во Македонија се смета дека сега е сведен под 3.000. 

Сања Атанасовска

фото Новости.рс