На професорката Најчевска и се допадна новиот тим на Мицкоски
Објавено во: Македонија 03 Октомври, 2019
Опозицискиот лидер ги објави новите стратешки соработници, а јавноста почна и со коментари околу имињата на истите.
Професорката Мирјана Најчевска на социјалните мрежи пишува дека тимот на Мицкоски воопшто не е лош.
Најчевска вели дека едно променето ВМРО може да биде интересен предизвик на идните избори.
-За многу голем број работи не се согласувам со дел од спомнатите експерти, дел од нив имаат навистина тежок и нечист багаж, и мислам дека имаат една заедничка мана, жолтата точка на национализмот и етноцентризмот, меѓутоа, ова е тим кој не очекував дека може да го состави лик како Мицкоски.
Ако уште и научил да го слуша она што му го зборуваат, а не да ги користи само како параван за сопствените смешни идеи тогаш во себе има многу поголем потенцијал отколку што мислев-нагласува професорката.
Како што објавивме новиот тим на соработници на Мицкоски го сочинуваат Гордана Силјановска Давкова, Владимир Дуковски, Хозе Караско , потоа Борко Ристовски, Александар Климовски, Коста Митровски и други за кои можете повеќе детално да прочитате овде.