На светскиот ден на водата најави за покачување на цената

Добивај вести на Viber

Светот денеска го слави денот на водата.

Меѓународна манифестација која под закрила на Генералното собрание на Обединетите Нации – UN-Water, субјектот кој ја координира работата на ОН за вода и канализација, секоја година на 22 март со разновидни активности се одржува ширум светот. 

Светскиот ден на водата датира од 1992 година. Секоја година се одбира тема која одговара на сегашниот или идниот предизвик. Кампањата за ангажман е координирана од една или повеќе членки на UN-Water, поврзано со мандатот.

Денес, околу половина од работниците во светот, 1,5 милијарда луѓе работат во сектори поврзани со водата и речиси сите работи зависат од водата или се поврзани со нејзина достава. Сепак, милиони луѓе чија работа е директно поврзана со вода често не ги уживаат работничките права. Темата за оваа година е „Водата и работните места“, а целта е да  покаже дека  доволните количини вода и квалитетната вода може да го сменат животот и егзистенцијата на работниците, па дури и да трансформира општества и економии.

Но, она што ја заголицка јавноста токму на денешниот ден е информацијата дека се подготвува нова цена на водата.

Алсат-М пишува дека се подготвува нова цена и Правилник за наплата на водата. Засега никој од надлежните не кажува за колку ќе поскапи водата за пиење што граѓаните ја добиваат од градските водоводи а само најавуваат дека сите Комунални претпријатија работат со загуби.

„Сите сакаме да плаќме помалку за вода, се разбира помала цена да платиме, помал трошок да имаме во месецот, но некој за тие услуги што нас ни ги дава троши пари. Тоа значи дека се користат некој други собрани пари за покривање на вакви трошоци. Токму оваа реформа во ЈКП ќе донесе до резултат да се усогласат и да се најде баланс меѓу тие две страни, а тоа е социјална и комерцијала страна“, рекол Стево Темелковски – заменик министер за животна средина според пишувањата на овој медиум.

Темелковски посочил дека потребни се итни реформи во јавните комунални претпријатија кои освен финансиска стабилност, на претпријатијата треба да им донесе и помала загуба на водата низ стрите водоводни мрежи.  Од Регулаторната комисија за енергетика велат дека сите одлуки кои ќе се носат околу оваа новина, ќе мора да поминат и на советите на општините.